اسلام آباد۔14جولائی(اے پی پی)وزیر خارجہ شاہ محمود قریشی کروناتوں جنگ جیت گھدی اتے اوطبیعت سنبھلنڑ تے ہسپتال توں گھر ول آئن۔گھر ولنڑ تے وزیرخارجہ شاہ محمود قریشی اپنڑے سنیہھے اچ آکھیے جو میں صحت ڈیونڑ تے اللہ تعالیٰ دا لکھ لکھ شکر ادا کرینداں اتے عوام دا وی مشکور ہاں جئیں میڈی صحتیابی کیتے دعائیں منگین اتے خیر سگالی سنیھے بھیجن۔وزیرخارجہ عوام تے زور ڈتا جو او پریشان تھیونڑ یا دل سٹنڑ دی بجائے احتیاطی تدابیراپناون،جیکر علامات ڈسن تاں فوری طبی ماہرین نال رابطہ کرن اتے میل ملاپ چھوڑ ڈیون۔انہاںا ٓکھیے جو تیکھے کرونا ٹیسٹ اتے اوندا علاج شروع تھیونڑ تے میڈی طبیعت چنگی تھی گئی اے،میکوں پلازمہ وی لایا گئے،بہوں خیال رکھنڑ تے ملٹری اسپتال راولپنڈی دے طبی عملے دا شکر گذار ہاں اتے گھر ول آیاں۔شاہ محمود قریشی 3 جولائی کوں کرونا دا شکار تھئے ہن۔
مضمون کا ماخذ : میگا ملینز کے فاتحین
