اسلام آباد ۔ یکم جنوری (اے پی پی) وزیراعظم دے مشیر خزانہ و محصولات ڈاکٹر عبدالحفیظ شیخ ہر اوکھے وقت اچ پاکستان دا ساتھ ڈیونڑ تے پاکستانی معاشی تے سماجی ترقی اچ حصہ گھننڑ تے چین دی قیادت دا عوام دا شکریہ ادا کیتے ، اے گال انہاں بدھ کوں اتھاں پاکستان اچ چین دے سفیر یاﺅ جنگ نال ملاقات اچ آکھی اے ۔ ملاقات اچ چینی سفیر چین دے صدر دی موجودہ سال دے ادھ اچ پاکستان دے موجوزہ دورے بارے ڈسایا ۔ ملاقات اچ ڈوہیں ملکاں وچال معیشت، بنیادی ڈھانچے دی تعمیر تے تحقیق وترقی دے شعبیں اچ جاری منصوبیں تے کم دی رفتار تکھی کرنڑ تے مستقبل اچ تعاون کوں مزید ودھاونڑ تے اتفاق کیتا گے۔ ڈاکٹر عبدالحفیظ شیخ ہر اوکھے ویلھے اچ پاکستان دا بھرپور ساتھ ڈیونڑ تے پاکستان دی معاشی تے سماجی ترقی اچ حصہ گھننڑ تے چین دی قیادت تے عوام دا شکریہ ادا کیتا ۔ ملاقات اچ چین پاکستان اقتصادی راہداری دے جاری منصوبیں تے کم دی رفتار تکھے کرنڑ تے سی پیک دے ڈوجھے فیز دے تحت پاکستان اچ سماجی ،ثقافتی تے ترقی دے میدانچینی سرمایہ کاری تے گال مہاڑ کیتی گی ۔ چین دے سفیرملک اچ معاشی استحکام گھن آونڑ تے معیشت کوں مضبوط بنیاداں تے استوار کرنڑ دیاں حکومتی کوششاں دی تعریف کیتی ۔
وزیراعظم دے مشیر خزانہ و محصولات ڈاکٹر عبدالحفیظ شیخ دی چین دے سفیر یاﺅ جنگ نال ملاقات
مضمون کا ماخذ : estratégias para lotomania
متعلقہ مضامین
