اسلام آباد۔20مارچ (اے پی پی) گزریل چووی گھنٹیاں اچ کورونا وائرس پاروں پنجاب دے بعد خیبرپختونخواہ اچ ساریاں توں ودھ اموات ریکارڈ کیتی ڳئن۔ پورے ملک اچ گزریل چووی گھنٹیاں اچ کورونا وائرس نال 42 اموات تھین جنہاں اچوں 15 اموات وینٹیلیٹرز تے تھین۔ نیشنل کمانڈ اینڈ آپریشن سینٹر ولوں جاری اعدادو شمار دے مطابق گزریل چووی گھنٹیاں اچ پورے ملک اچ 3 ہزار 876 لوکاں دے کووڈ۔ 19 ٹیسٹ مثبت آئن ، ملک دے چار وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال ملتان اچ 41 فیصد,لاہور اچ 40 فیصد،پشاور اچ 29 فیصد اتے اسلام آباد اچ 46 فیصد مریض ہن۔ گزریل چووی گھنٹیاں اچ کورونا وائرس دے 3876 کیس ،42 اموات رپورٹ تھین۔
مضمون کا ماخذ : راکی
