اسلام آباد ۔ 31 اکتوبر (اے پی پی) چیئرمین سینیٹ محمد صادق سنجرانی رحیم خان دے علاقے اچ کراچی توں راولپنڈی ونجنڑ آلی ریل گاڈی تیز گام ایکسپریس اچ گیس سلنڈر پھٹنڑ پاروں بھاہ لگنڑ دے نتیجے اچ 56 لوکاں دے جاں بحق اتے 34زخمی تھیونڑ آلیں تے ڈکھ تے افسوس دا اظہار کریندے ہوئیں لواحقین نال تعزیت اتے ہمدردی دا اظہار کیتے۔ خمیس کوں سینیٹ سیکریٹریٹ توں جاری بیان دے مطابق چیئرمین سینیٹ ایں حادثے اچ زخمی تھیونڑ آلیں کوں بہترین طبی سہولتاں ڈیونڑ تے زور ڈیندے ہوئیں انہاں دی وختی چنگی صحت دی دعا کیتی ۔ایندے علاوہ ڈپٹی چیئرمین سینیٹ سینیٹر سلیم مانڈوی والا، قائد ایوان سینیٹ سینیٹر سید شبلی فراز اتے قائد حزب اختلاف راجہ محمد ظفرالحق وی ریل گاڈی حادثے اچ جانی ضیان تے افسوس دا اظہار کیتے تے انہاں آکھیے جو او زخمیاں دی وختی چنگی صحت کیتے دعا کریندن ۔
مضمون کا ماخذ : لکی لیپریچون
