اسلام آباد ۔ یکم فروری (اے پی پی) عالمی ادارہ برائے صحت(ڈبلیو ایچ او) پاکستان کرونا وائرس دی ویلھے سر روک تھام کیتے وفاقی اتے صوبائی سطح تے ضروری تکنیکی رہنمائی اتے کیساں دی سکریننگ کیتے لیبارٹری آلات ڈے ڈتن جیندے اچ انفرا ریڈ تھرمو گنزجیڑھے لوکاں کوں ہتھ لائے بغیر کرونا وائرس دے مشتبہ کیس سنجانڑ سگسن۔ پاکستان اچ ڈبلیو ایچ اودے نمائندہ ڈاکٹر پالیتھا ماہی پالا کرونا وائرس روکنڑ کیتے حکومت پاکستان اتے وزارت صحت دے اقدامات دی تعریف کریندے آکھیے جو ڈبلیو ایچ اوایں عالمی مسلے تے حکومت پاکستان دا ہتھ ونڈاونڑکوں تیار اے۔ ڈبلیو ایچ او سرجیکل گلوز،ماسکس،ہینڈ سینسٹائزرز،گاونز، لیکویڈ سوپ سودھے بئے ذاتی حفاظتی سازو سامان وزارت نیشنل ہیلتھ ریگولیشن اچ ڈائریکٹوریٹ آف سنٹرل ہیلتھ اسٹیبلشمنٹ کوں ڈتن۔ ڈبلیو ایچ او ایمرجنسی رسپانس کیتے سٹریٹجک ہیلتھ اتے کمیونیکشن روم وی بنڑا ڈتے۔
ڈبلیو ایچ او پاکستان کرونا وائرس ویلھے سر روکنڑ ، کیساں دی سکریننگ کیتے لیبارٹری آلات ڈے ڈتن
مضمون کا ماخذ : سٹاربرسٹ
متعلقہ مضامین
