اسلام آباد ۔ 10 اپریل (اے پی پی)وفاقی وزیر ریلوے شیخ رشید احمد بدھ کوں حسن ابدال ریلوے سٹیشن تے سکھ کمیونٹی دے بیساکھی میلے اچ شرکت دے حوالے نال تیاریاں دے جائزہ سانگے دورہ کیتا۔ ایں موقع تے سکھ کمیونٹی دے بیساکھی میلہ دے حوالے نال حسن ابدال ریلوے سٹیشن تے پاکستان ریلویز ولوںکیتے گئے انتظامات تے اطمینان دااظہار کریندے ہوئیں ہدایت کیتی جو بیساکھی میلے اچ شرکت سانگے آونڑ آلی سکھ کمیونٹی کو ں دوران سفر اتے حسن ابدال پنجہ صاحب تے ہر ممکن سہولتاں ڈتیاں ونجنڑ ،انہاں آکھیا جو سکھ برداری ہر سال اپنڑیاں مذہبی رسومات اداکرنڑ سانگے حسن ابدال پنجہ صاحب آندن ،پاکستان ریلوے انتظامیہ ،ضلعی انتظامیہ اتے ضلعی پولیس اتے بئے قنون نافذ کرنڑ آلے ادارے ہک بئے نال تعاون کرنڑ اتے چنگا انتظام کرنڑ ۔انہاں ڈسایا جو ریلوے پولیس ولوں فول پروف سکیورٹی ڈتی ویسی جڈاں جو ریلوے سٹیشن حسن ابدال تے خصوصی کاﺅنٹر بنڑایا ویسی،تاں جو سکھ کمیونٹی کوں وختی ہر طرح دی معلومات مل سگن۔
وفاقی وزیر ریلوے دا سکھ کمیونٹی دے بیساکھی میلہ دے حوالے نال حسن ابدال ریلوے سٹیشن اتے انتظامات تے اطمینان دا اظہار
مضمون کا ماخذ : عمومی کلیدی الفاظ
متعلقہ مضامین
