26م آئيني ترميم لپاره د جوړې كړې خاص پارليماني کمېتۍ غونډه، په مجوزه آئيني ترميم مسوده غور وشو


اسلام آباد 11 اکتوبر (اے پي پي) 26م آئيني ترميم لپاره د جوړي كړې خصوصي پارليماني کمېټۍ غونډه د جمعې په ورځ د سيد خورشيد شاه په مشرۍ كښې پارليمنټ هاؤس كښې وشوه۔په غونډه كښې د ټولو سياسي ګوندونو نمائندګانو ګډون وكړو۔په غونډه كښې په مجوزه آئيني ترميمي مسوده غور وشو۔د غونډي نه پس په خپلو خبرو كښې د پاکستان پيپلز پارټي چيئرمېن بلاول بھټو زرداري ووئيل د پارليماني کمېټۍ تفصيلي ميټنګ شوے چې پكښې ټولو ګوندونو رائے وركړې او پيپلز پارټي د خپل اوريجنل ډرافټ تجاويز کمېټۍ ته وړاندې كړي چې پكښې د آئيني عدالت په اړه چاري شاملې دي۔ ده ووئيل مونږ دغه ډرافټ د حکومت نه علاوه ټولو سياسي ګوندونو ته وركړے۔ده ووئيل د قانون وزير د وكيلانو سره تفصيلي بحث کړے او تفصيلات يې هم راوړاندې شوي ، په دې اړه چې د كومو وکيلانو تجاويز رامخې ته شوي هغه هم وړاندې كړې شوي۔ده ووئيل اپوزيشن ګوندونو هم خپل موقف وړاندې كړے دغسې مولانا فضل الرحمٰن هم خپل موقف ېيا وركړو چې د پيپلز پارټي سره په اتفاق مسوده جوړول غواړو۔ده ووئيل مونږ هم دغه خبره بيا وكړه چې د سياسي ګوندونو په اتفاق به آئيني ترميم اوشي او زمونږ هڅه هم دغسې وه،نن هم دغه خبره كوو او سبا به هم دغه هڅه كوو۔بلاول بھټو زرداري ووئيل په داسې موقع كله چې د شنګھائي مرستي تنظيم مشرانو غونډه كېږي،بشپړه هخه كوو چې اتفاق راپېدا شي۔دې څخه وړاندي د جمعيت علمائے اسلام (ف) مشر مولانا فضل الرحمٰن د خصوصي کمېټۍ غونډي نه پس ميډيا كښې د غونډي په مهال د آئيني ترميم مسوده وړاندې كولو تصديق وكړو۔د غونډي نه پس د قانون وزير اعظم نذير تارړ ووئيل په غونډه كښې ټولو ډلو خپلې رائے وركړه، جوډيشل پيکج په اړه چې زمونږ كوم تجاويز وؤ او كوم چې د بار باډيز وركړې وؤ هغه ټول مونږ په تحريري توګه غونډي ته وړاندې كړې دي

مضمون کا ماخذ : Loteria Instantânea

متعلقہ مضامین