اسلام آباد۔26مئی (اے پی پی) وزیر مملکت برائے اطلاعات تے نشریات فرخ حبیب نال متحدہ عرب امارات (یو اے ای) دے سفیر عماد عبیدابراہیم الزابی ملاقات کیتی جئیں اچ میڈیا دے شعبہ اچ تعاون، سیاحت، تجارت اتے ماحولیاتی تبدیلیاں سودھے آپسی دلچسپی دے معاملیاں تے ڳالھ مہاڑ تھئی۔ وزیر مملکت اطلاعات تے نشریات فرخ حبیب آکھیا جو گرین ڈپلومیسی ملکاں وچال ݙو پاسہ تعلقات کوں ودھاوݨ دی نویں رستے ݙیندی اے۔ انہاں آکھیا جو متحدہ عرب امارات اتے پاکستان آپسی اتحاد تے مبنی خوشگوار تعلقات توں فائدہ چیندے پئن۔ متحدہ عرب امارات اتے پاکستانیاں سانڳے ݙوجھے گھر وانگوں اے۔ ملاقات اچ اتفاق کیتا ڳیا جو ݙوہیں ملکاں وچال ݙو پاسہ تجارت دے ٻہوں موقع موجود ہن جنہاں کوں استعمال کرݨ دی لوڑھ اے۔ وزیر مملکت ٹیکسٹائل اتے گارمنٹس دی صنعت اچ کاروباری صلاحیتاں دے ودھارے سانڳے یو اے ای دے سفیر دے فیصل آباد دے دورہ دی تعریف کیتی۔
مضمون کا ماخذ : اسکریچ کارڈ جیتنے کے طریقے
متعلقہ مضامین
