اسلام آباد۔20مئی (اے پی پی):وزیرِ اعظم عمران خان وزیر خزانہ کوں معاشرے دے کمزور طبقے کوں روزگار اتے گھراں دی تعمیر کیتے قرضیں دی فراہمی، صحت کارڈ دے اجرا ء اتے غریب خانداناں دے ھک بندے کوں فنی و پیشہ وارانہ تربیت ݙیواوݨ کیتے جامع منصوبہ پیش کرݨ دی ذمے واری تفویض کریندے ہوئیں آکھیے جو ملک دے وݙے شہراں دے ماسٹر پلان وختی توں وختی بݨائے ونڄن ، ساوا پاکستان آندیاں نسلاں دے تحفظ اتے بہتر ماحول کیتے ضروری اے۔ اے ڳال انہاں خمیس کوں نیشنل کوآرڈینیشن کمیٹی ہاؤسنگ، کنسٹرکشن اینڈ ڈویلپمنٹ دے ہفتہ وار اجلاس دی صدارت کریندے ہوئیں آکھی اے اجلاس اچ گرین ایریاز دے تحفظ کیتے زرعی، رہائشی تے ٻیاں زمیناں دے استعمال دے حوالے نال مروجہ قوانین و قواعد اچ تبدیلی کرݨ دا فیصلہ کیتا ڳئے تاں جو زرعی زمین تے گرین ایریاز دا تحفظ کیتا ونڄ سڳے اتے کہیں ایجھی زمین دی نوعیت بدلݨ دا اختیار اعلیٰ سطح تے منتقل کیتا ونڄ سڳے ۔وزیرِ اعظم عمران خان معاشرے دے کمزور طبقیں کوں روزگار کیتے سوکھے تے گھٹ شرح دے قرضیں دی فراہمی ، گھٹ آمدنی آلے لوکاں کوں ذاتی گھراں دی تعمیر کیتے قرضے ݙیوݨ ، صحت کارڈ دی فراہمی اتے غریب خانداناں دے گھٹ توں گھٹ ھک بندے کوں ٹیکنیکل و پرفیشنل ہنر ݙیواوݨ دے حوالے نال جامع پلان بݨاوݨ تے پیش کرݨ دی ذمے واری وزیرِ خزانہ کوں ݙتی ۔ اجلاس کوں وزارتِ ماحولیات ولوں بݨائے ڳئے گرین بلڈنگ کوڈدے حوالے نال بریفنگ ݙتی ڳئی ۔ اجلاس اچ پائلٹ پراجیکٹ دے طور تے گرین بلڈنگ کوڈ ز دا نفاذ نیا پاکستان ہاؤسنگ منصوبیں توں کرݨ دا فیصلہ کیتا ڳئے ۔
وزیراعظم عمران خان دی صدارت اچ نیشنل کوآرڈینیشن کمیٹی ہاؤسنگ، کنسٹرکشن اینڈ ڈویلپمنٹ دا ہفتہ وار اجلاس
مضمون کا ماخذ : گونزو کی تلاش
متعلقہ مضامین
