راولپنڈی۔13مئی(اے پی پی)پاک فوج دے سربراہ جنرل قمر جاوید باجوہ عید لائن آف کنٹرول تے تعینات جواناں نال منائی اتے انہاں دی ڄزبہ ھب الوطنی، پیشہ ورانہ تربیت اتے تیاریاں دی تعریف کیتی۔ جنرل قمرجاوید باجوہ جواناں نال نماز عید پڑھی اتے ملکی امن، ترقی و سلامتی کیتی دعا منڳی۔ آرمی چیف کورونا روکݨ کیتے پاک فوج دے دستیاں دی انتظامیہ نال ہتھ ونݙاوݨ دی وی تعریف کیتی۔ پاک فوج دے سربراہ جنرل قمر جاوید باجوہ ملک کیتے قربانیاں ݙیوݨ آلے شہدا کوں زبردست خراج عقیدت پیش کریندے آکھیے جو پاک فوج قوم دی توقعات پورا کرݨ کیتے ہر اقدام کریسی، پاکستانی عوام دی سکیورٹی، تحفظ اتے فلاح ساݙی پہلی ذمے داری اے، عید تے کشمیر اچ جدوجہد کرݨ آلے بہادر کشمیریاں کوں نئیں بھلݨا چاہیدا، ویلھا آڳئے جو کشمیر اچ انسانی المیے کوں ہݨ مکایا ونڄے، مسئلہ کشمیر کشمیریاں دی خواہشات اتے اقوام متحدہ دی قرارداداں دے مطابق حل کیتا ونڄے۔
پاک فوج دے سربراہ جنرل قمر جاوید باجوہ دی لائن آف کنٹرول دا دورہ، اڳلے مورچیاں تے جواناں نال عید منائی
مضمون کا ماخذ : فروٹ شاپ
متعلقہ مضامین
