اسلام آباد۔6فروری (اے پی پی):گزریل چووی گھنٹے اچ کوروناوائرس توں پنجاب دے بعد سندھ اچ ساریں توں ودھ اموات ریکارڈ کیتیاں ڳئیاں ۔ پورے ملک اچ گزریل چووی گھنٹے اچ کورونا وائرس توں28 اموات تھیاں جنہاں اچوں 18 اموات وینٹیلیٹرز تے موجود مریضاں دیاں ہن ۔نیشنل کمانڈ اینڈ آپریشن سینٹر ولوں جاری اعداد و شمار موجب گزریل چووی گھنٹے وچ پورے ملک اچ 1 ہزار 286 لوکاں دے کووڈ۔ 19 ٹیسٹ مثبت آئے اتے 28 لوک وائرس وں جاں بحق تھئے جنہاں اچوں 28 بندے ہسپتالاں اچ جاں بحق تھئے ۔ملک دے 4 وݙے شہراں اچ وینٹیلیٹرزتے کووڈ۔ 19 دے مریضاں دے تناسب دے لحاظ نال ملتان اچ 34 فیصد،لاہور اچ 35 فیصد،پشاور اچ 26 فیصد تے اسلام آباد اچ 30 فیصد مریض ہن۔اینویں ملک دے چار وݙے شہراں اچ آکسیجن دیاں سہولتاں آلے بستریں تے کورونا دے مثبت کیسسز دے تناسب دے لحاظ نال پشاور اچ 44 فیصد،ملتان اچ 39 فیصد،کراچی اچ 25 فیصد اتے راولپنڈی اچ 25 فیصد مریض ہن ۔
