اسلام آباد۔ 30 اگست (اے پی پی) صدر مملکت ڈاکٹر عارف علوی یوم عاشور محرم الحرام 1442ھ دے موقع تے قوم ناں آپنڑے سنھیے اچ آکھیے جو یوم ِعاشور یعنی ڈاہ محرم الحرام کوں اللہ تعالیٰ پہلے ڈینھ توں ہی شرف بخشے۔ ایں ڈینھ دی تاریخ انسانیت دے بہوں سارے اہم واقعات رونما تھئے ،جیویں جو حضرت آدم دی توبہ قبول تھئی ، نوح علیہ السلام دی بیڑی سلامتی توں جودی پہاڑ تے لتھی ، حضرت سیدنا ابراہیم تے نارِ نمرود گلزار تھئی تے ڈوجھے خلیفہ حضرت عمر وی یکم محرم الحرام کوں شہادت تے درجے تے فائز تھئے ۔انہاں آکھیے حضور نبی کریم خَاتم اَلنّبِیین صلی اللہ علیہ و علی آ لہ و اصحاٰبہ و سلم دے نواسہ جناب امامِ عالی مقام حضرت ِ امام حسین آپنڑے اہلِ بیت ِاطہار اتے رفقائے کار دے رلے میدان کربلا اچ یوم عاشور کوں شہادت پا تے تاریخ اسلام اچ ایں ڈینھ کوں قیامت تئیں کیتے خاص بنڑا ڈتقا ۔ایں ڈینھ نواسہ رسول خَاتم اَلنّبِیین صلی اللہ علیہ و علی آ لہ و اصحاٰبہ و سلم دی شہادت دا عظیم واقعہ ہر سال مسلماناں کوں ایں گال دی یاد ڈویندے جو ظالم تے باطل طاقتاں دا مقابلہ کرنڑ کیتے ویلھا آونڑ تے جان دا نذرانہ پیش کرنڑ توں وی پچھوں نی ہٹنڑاں چاہیدا ۔ صدر مملکت آکھیے جو شہادت امام حسین در حقیقت حق دی فتح، ظالم و جابر دے سامنڑے ڈٹ ونجنڑ تے ایثار تے قربانی دا استعارہ اے۔ انہاں آکھیے جومحرم الحرام اساکوں او جذبہ صادق عطا کریندے جیں دی بدولت اساں وڈی توں وڈی آزمائش دا مقابلہ کرسگدوں، اتے تساکوں پتہ اے جو پاکستانی قوم مثالی نظم و ضبط دا مظاہرہ کریندے ہوئیں ہنڑیں ہی کرونا وائرس دی عالمی وبا تے قابو پاتے ۔
شہادت امام حسین حق دی فتح، ظالم و جابر دے سامنڑے وٹ ونجنڑ تے اتے ایثار و قربانی دا استعارہ اے، صدر مملکت ڈاکٹر عارف علوی دا یوم عاشور دے موقع تے سنھیا
مضمون کا ماخذ : jogos de loteria Nordeste
متعلقہ مضامین
