اسلام آباد۔17نومبر(اے پی پی) وفاقی وزیر خزانہ محمد اورنگزیب آکھیے ملکی معیشت دی بہتری سانڳے اقدامات کریندے پیوں، معیشت مستحکم تھیندی پئی اے ، زرمبادلہ دے ذخیرے اچ مسلسل ودھارا تے مہانگ تے پالیسی ریٹ گھٹ تھئے، سارے شعبیں اچ اصلاحات دا عمل جاری اے ، عالمی مالیاتی اداریں نال وفد دی سطح تے اتے عالمی رہنماواں نال ݙو پاسے ملاقاتاں اچ حکومتی اصلاحاتی ایجنڈے تے ڳالھ مہاڑ تھئی اے ، آئی ایم ایف اتے ٻئے مالیاتی ادار ے پاکستان دی معاشی کارکردگی دے معترف ہن جنہاں دا پاکستان تے اعتماد ودھدا پئے ، ٹیکس نیٹ اچ ودھارا کیتا ویسی ملکی بہتری سانڳے ساریں کوں رل تے کم کرݨا ہوسی وختی چیلنجز دا سامݨا اے جنھاں نال نبݨݨ سانڳے اقدامات یقینی بݨائے ویندے پئن ، چارٹر آف اکانومی نال چارٹر آف انوائرمنٹ تے وی قوم کوں کٹھا کرݨا اے ، وزیراعظم شہباز شریف وختی آندے روڈ میپ دا اعلان کریسن اے ڳالھ انھاں پریس کانفرنس توں خطاب کریندے آکھی اے وزیر خزانہ محمد اورنگزیب آکھیے گزریل چار ہفتے دی پیشرفتاں تے خاص طو?? تے 19 اتے 20 اکتوبر کوں واشنگٹن اچ تھیوݨ آلے آئی ایم ایف اتےورلڈ بینک دے سالانہ اجلاساں دے حوالے نال ذرائع ابلاغ کوں تفصیلات ݙساوݨ ضروری سمجھداں ۔ انھاں اجلاساں اچ پاکستانی وفد شرکت کیتی ، اجلاساں اچ شرکت سانڳے ونجݨ آلے وفد اچ میں سودھے گورنر سٹیٹ بینک، سیکرٹری خزانہ، سیکرٹری اقتصادی امور ڈویژن شرکت کیتی ، وفد دی سطح تے اتے وزرائے خزانہ دی سطح تے ݙو پاسے ملاقاتا?? تھئن ، مختلف سٹیک ہولڈرز نال وی ملیوں تے ساری ڳالھ مہاڑ تعمیری رہی ، انھاں سٹیک ہولڈرزجنھاں اچ آئی ایم ایف، ورلڈ بینک، کثیرالجہتی شراکت داراں بشم??ل ایشیائی ترقیاتی بینک، ایشیاء انفراسٹرکچر بینک، آئی ایف سی دے سربراہان اتے نمائندیں نال تفصیلی ڳالھ مہاڑ تھعی اے انھاں آکھیے ایں توں انڄ بطور وزیر خزانہ میݙی ݙوطرفہ اہم ملاقاتاں وی تھئن جیں اچ سعودی وزیر خزانہ، ترکیہ دے وزیر خزانہ، چین دے وزیر خزانہ، یو اے ای دے وزیر خزانہ، برطانیہ دے وزیر خزانہ اتے امریکی محکمہ خزانہ دے ذمہ واراں نال ملاقاتاں تے مفصل ڳالھ مہاڑ شامل ہن ایں توں انڄ ریٹنگ ایجنسیز نال وی میݙی تے سیکرٹری خزانہ دیاں ملاقاتا?? تھئن ، گورنر سٹیٹ بینک دی ریٹنگ ایجنسیاں ایس این پی، موڈیز اتے فنچ نال ملاقاتا?? تھئن تے ٻہوں ریٹنگ اپ ڈیٹس وی ملئن ایں توں انڄ ادارہ جاتی سربراہان اتے نمائندیں نال وی چنڳیاں ملاقاتا?? تھئں ۔ وزیر خزانہ آکھیے اساکوں ھک پلیٹ فارم ݙتا ڳئے تے تاں جو انھاں ملکاں کوں اساں ݙسا سڳوں جو اساں14 مہینے اچ اے ٹرن آئوٹ کیویں ڳھدا ، وزیراعظم محمد شہباز شریف تے انہا?? دی اوں ویلھے دی کابینہ 9 مہینے دے سٹینڈ بائی ارینجمنٹ تے دستخط کیتے تے نگران حکومت کوں وی مکمل کریڈٹ ݙیوݨ چاہساں جیں ڈسپلن نال ایں سٹینڈ بائی ارینجمنٹ تے عمل کیتا تے ول وزیراعظم محمد شہباز شریف دی قیادت اچ اساں سٹینڈ بائی ارینجمنٹ کوں توڑ پڄائے تے توسیعی پروگرام کوں اڳوں گھن تے ٹریےانھاں اقدامات دے جیڑھے ثمرات ہن او وی ٻہوں اہمیت رکھیندن ، میکرواکنامک استحکام اہمیت دی حامل اے کیوں جو معاشی اقدامت اتے اصلاحات کوں ایں بنیاد ݙتی جیڑھا ٻہوں ضروری ہئی ایںدے ثمرات سامݨے آئے اتے آندے پئن ، افراط زر دی شرح 38 فیصد توں 7 فیصد تے آ ڳئی ، پالیسی ریٹ 22 فیصد توں 15 فیصد تے آئے ، ایویں فارن ایکسچینج ریٹ جیڑھا ݙو ہفتے دی امپورٹ کو?? تے رہ ڳئے ہن او ڈھائی مہینے دی امپورٹ کو?? تے آ ڳئن اینکوں اساں ترائے مہینے دی امپورٹ کو?? تے گھن ویندے پیوں جیڑھے سنھیے ایں پلیٹ فارم اتے ٻئے سٹیک ہولڈرز توں ملئن او وی تساں نال شیئر کرݨ چاہنداں ، پہلی ڳالھ تاں اے انھاں تعریف کیتی جو چوݙاں مہینے اچ ھک ملک کیویں انھاں خساریں کوں سرپلس اچ گھن آئے تے اے اہداف کیویں ڳھدا ڳئے ، عالمی مالیاتی اداریں دا پاکستان تے اعتماد ودھئے ، جن سٹیک ہولڈرز نال ملاقاتا?? تھئن انھاں ساریں پاکستان دی معاشی کارکردگی دی تعریف کیتی اساں سارے معاشی ایجنڈے دا انھاں کوں ݙسائے ایں میکرو اکانومی استحکام کوں اڳوں ودھݨ ضروری اے ، وزیراعظم شہباز شریف وختی اکنامک روڈ میپ دا اعلان کریسن ۔ وزیر خزانہ آکھیے جیڑھے وعدے کیتے ڳئے او ملکی مفاد اچ کیتن او ساریں دے سامݨے ہے ۔ چھی مہینے پہلے وی آکھیا ہئی اڄ ولا اعادہ کرینداں جو اے پروگرام پاکستان دا پروگرام اے جی?? دی معاونت اتے فنڈنگ آئی ایم ایف کریندا پئے گزریل ہفتے فنڈ دا مشن اسلام آباد آیا ایں اچ کوئی ڳالھ لکی ہوئی کائنی ، اے سارا ایجنڈا پہلے توں ساریں دے علم اچ ہئی جیں اچ انرجی ریفارمز، ٹیکسیشن ریفارمز، ایس او ای ریفارمز، نجکاری ایجنڈا اتے پبلک فنانس شامل ہن۔ میں بطور وزیر خزانہ ایں دورے دا خیر م??دم کیتے ، حکومت دی رائٹ سائزنگ، نیشنل فسکل پیکٹ ستمبر دے چھیکڑ اچ معیاری سٹرکچرل بینچ مارک ہن جیڑھے اساں پورے کیتے ھک سنگ میل پار تھی ڳئے لیکن پبلک فنانس دی مکمل رائٹ سائزنگ کرݨی اے ، اساں آپݨے روڈ میپ دا ݙسائے ، زراعت و ٹیکسز دے نظام کوں اڳوں گھن ویندے پیوں انھاں آکھیے چارے وزرائے اعلی دا وی شکرگزار ہاں جنہاں مکمل تعاون کیتے اساکوں ساریں کوں رل تے کم کرݨا اے۔ اساں کلائیمٹ ریزیلینس دا نکتہ نظر پیش کیتا تے ایں سلسلے اچ ایشیائی ترقیاتی بینک دی طرفوں 500 ملین ڈالر دا قرض جاری تھی چکے تے باکو اچ کلائمیٹ ریزیلینس تے اہم ڳالھ مہاڑ تھئی آئی ایم ایف نال گزریل ہفتے ڳالھ مہاڑ مثبت رہی اے، ۔ نجکاری دے حوالے نال وزیر خزانہ آکھیے 11 وزارتاں دے حوالے نال ڳالھ مہاڑ دا عمل مکمل تھی چکے انھاں تے عمل درآمد دا عمل جاری اے، پنشن دے معاملات زیر غور ہن ۔ وزیر خزانہ آکھئے ملک تکھے اُتے آندا پئے وختی اساں ٻئے ملکا?? دی صف اچ شامل ہوسوں۔
