اسلام آباد۔13اکتوبر (اے پی پی):وزیر اعظم عمران خان قومی موسمیاتی تبدیلی پالیسی 2021 اتے قومی وائلڈ لائف پالیسی 2021 دی اصولی منظوری ݙیندے ہوئیں ہدایت کیتی اے جو مارگلہ پہاڑیاں اچ ھک خصوصی زون کوں چیتے دے تحفظ دا علاقہ قرار ݙتا ونڄے جݙاں جو اسلام آباد دے مرغزار چڑیا گھر اچ وائلڈ لائف انفارمیشن سینٹر دے قیام دی وی منظوری ݙتی ڳئی ۔ٻدھ کوں وز??راعظم عمران خان موسمیاتی تبدیلی متعلق کمیٹی دے تریجھے اجلاس دی صدارت کیتی ۔ وز??ر اعظم عمران خان ایں موقع تے آکھیے جو پاکستان 10 ارب سونامی ٹری پروگرام دی وجہ توں “گرین چیمپئن”دی حیثیت توں آپݨی ساکھ قائم کیتی اے ،دنیا کوں ترقی پذیر ملکاں کوں موسمیاتی تبدیلی دے اثرات نال نبݨݨ اچ مدد کرݨی چاہیدی اے ۔وزیر اعظم آکھیے جو خیبر پختونخوا اچ ساݙی حکومت 10ارب سونامی ٹری دی شروعات کیتی تے ہݨ پوری دنیا ساݙے نقش قدم تے چلدی پئی اے ۔انہاں آکھیے جو عالمی برادری موسمیاتی تبدیلی دے اثرات کوں گھٹ ک??ݨ کیتے پاکستان دے حقیقت پسندانہ اتے ٹھوس اقدامات دی تریف کیتی اے ۔وزیر اعظم دے معاون خصوصی موسمیاتی تبدیلی ملک امین اسلم اجلاس کوں این ڈی سی، موسمیاتی تبدیلی دی پالیسی ، قومی وائلڈ لائف پالیسی اتے گرین کلائمیٹ ڈپلومیسی بارے تفصیل نال ݙسایا ۔اجلاس اچ وفاقی وزراء شاہ محمود قریشی ، سید فخر امام ، مح??د حماد اظہر ، چوہدری مونس الٰہی ، قومی سلامتی دے مشیر ڈاکٹر معید یوسف ، وز??ر مملکت زرتاج گل ،وزیر اعظم دے معاون خصوصی ڈاکٹر شہباز گل ، وز??ر اعلیٰ بلوچستان جام کمال خان اتے وز??ر اعلیٰ گلگت بلتستان خالد خورشید، وز??راعلیٰ پنجاب سردار عثمان بزدار ، وز??ر اعلیٰ خیبر پختونخوا محمود خان ، وز??ر اعظم آزاد کشمیر سردار عبدالقیوم نیازی اتے وز??ر ماحولیات سندھ اسماعیل راہو ویڈیو لنک دے ذریعے اجلاس اچ شرکت کیتی ۔
وزیر اعظم عمران خان قومی موسمیاتی تبدیلی پالیسی 2021 اتے قومی وائلڈ لائف پالیسی 2021 دی اصولی منظوری ݙے ݙتی
مضمون کا ماخذ : لاٹری ٹکٹ خریدیں
متعلقہ مضامین
