اسلام آباد۔8اپرېل(اے پی پی) د خزانې او محصولات وفاقي وزير سېنېټر اسحاق ډار وئيلي دي د وزيراعظم په هدايت مې د امريكا دوره منسوخ كړې٬ د آئي اېم اېف غونډه كښې به ورچوئل ګډون كوم٬ د پاك پروردګار په فضل مو په كومه بهرنۍ ادائيګۍ كښې تاخير نه دے كړے٬ په تېرو څو مياشتو كښې مو د بهرنيو ادائيګو په مد كښې 11 اربه ډالره ادا كړي دي٬ د هېواد ګټو ته زيان رسوؤنكو اقداماتو څخه بايد ډډه وكړې شي۔ د خالي په ورځ ميډيا سره خبرو كښې وفاقي وزير اسحاق ډار ووئيل په پرنټ او الېكټرانك ميډيا كښې زما د آئی اېم اېف په غونډه كښې د ګډون نه كولو په اړه يو كنفيوژن خپرولې شي د كوم چې بايد سپيناوې وكړې شي۔ ده ووئيل د آئي اېم اېف په غونډه كښې ګډون له د خالي او اتوار منځومانۍ شپه كښې زما په سعودي ائیرلائن كښې بكنګ وو ٬ سبا له امريكا ته رسېدل وو٬ او د ګل ورځې څخه پېل كېدونكې غونډه كښې ګډون كول وو۔ ده ووئيل د آئي اېم اېف او نړيوال بېنك كلنې غونډې باقاعدګۍ سره كېږي۔ ده ووئيل دا مهال هېواد كښې يو آئيني بحران رامخے ته كړے شوے دے۔ اولس وليدل چې دا بحران 9 كسيزه بېنچ څخه پېل شو او 7 او 5 څخه تېرېدو سره 3 كسيزه بېنچ ته ورسېد۔ درې كسيزه بېنچ پنجاب كښې ټاكنو له د 20 اربه روپو ريليز كولو وئيلي دي۔ ده ووئيل د 2017 له مخې ټاكنې په ګرد هېواد كښې بايد په يوه ورځ وكړے شي۔ تر 10 اپرېل وفاقي حكومت ته الېكشن ته د پېسو وركولو وئيلې شوي دي او الېكشن كمېشن ته وئيلې شوې دي چې په 11 اپرېل عدالت په دې اړه خبر كړي۔ په دې حالاتو كښې د خزانې وزارت او بيا د كابينې مهمه ذمه واري ده د كومې چې زه هم غړے يم۔ دغسې د دفاع وزارت ته هم تر 17 اپرېل د رپورټ وړاندے كولو وئيلي شوي دي۔ ده ووئيل په دې حالاتو كښې ما د وزيراعظم شهباز شريف په وېنا د امريكا خپله دوره ختمه كړه بياهم د خزانې سېكتر ٬ د سټېټ بېنك ګورنر او د اقتصادي چارو په سېكتر مشتمل پلاوې به ګلنه غونډه كښې ګډون كوي۔ ده ووئيل زه به دې غونډه كښې په ورچول توګه ګډون كووم۔ د خزانې وزير ووئيل دا ډنډورې كولې شي چې آئي اېم اېف زه منع كړې يم٬ آئي اېم اېف مونږ نه شي منع كولې ٬ پاكستان سوالګرے نه دے ٬ بلكې د آئي اېم اېف غړے هېواد دے۔ په كال 1998 كښې چې د جوهري چاودنو دلاسه كوم بندېزونه لګېدلې وو په هغې كښې آئي اېم اېف سره د پروګرام معطلي هم شامله وه٬ دغه وخت هم پاكستاني پلاوي د آئي اېم اېف په غونډه كښې ګډون كړې وو۔ لهذا داسې ډنډورو څخه بايد ډډه وكړې شي۔ ده ووئيل په 90 ورځو كښې ټاكنې نه شي كېدې۔ د شهيد بېنظير بھټو د شهادت د لاسه او د سېلاب د لاسه هم ټاكنې ځنډولې شوې وې۔ د خزانې وزير ووئيل د عمران خان حكومت د هېواد معيشت د نړۍ 47 معيشت جوړ كړے دے كوم چې مسلم ليګ نون په كال 2017 كښې 24 م معيشت جوړ كړے وو۔ نړيوالو ادارو پېشګوئي كوله چې پاكستان به ډېر زر په ګروپ 20 كښې شامل شي۔ ده ووئيل دا مهال په يو شمېر سكيمونو كار كېږي كوم به چې هېواد د 24 م معيشت جوړېدو په لاره روان كړي۔ په راتلونكو اونيو او مياشتو كښې به هېواد يو وارې بيا د پرمختګ په لاره خپل مزل پېل كړي۔
د وزيراعظم په هدايت مې د امريكا دوره منسوخ كړې٬ د آئي ايم ايف غونډه كښې به ورچوئل ګډون كوم٬ د پاك پروردګار په فضل مو په كومه بهرنۍ ادائيګۍ كښې تاخير نه دے كړے٬ د خزانې وفاقي وزير اسحاق ډار ميډيا سره خبرې
مضمون کا ماخذ : números sorteados lotomania
متعلقہ مضامین
