اسلام آباد 05 اپریل (اے پي پي) وزیراعظم محمد شهباز شریف وئيلي دي څه ډول لوبي چې كېږي داسې خوفناك منظر مونږ چرته نه ؤ ليدلے ، سپریم کورټ كښې چې څه ډول په کیس کارروائی شوې هغه د ټولو په وړاندې ده،ټول حالات او واقعات په ډاګه شوي، حکومت كښې د شاملو اتحادي ګوندونو په مشاورت به اجتماعی سوچ سره كوټلي پريكړي كولې شي او د آئین او قانون سره په ټوقو به خپل مؤقف قام ته وړاندې كوو۔د دې خيالاتو څرګندونه ده د شورو په ورځ د حکومتې اتحادي ګوندونو مشرانو غونډي ته وينا كښې وكړه۔ وزیراعظم په غونډه كښې موجود او د ويډيو لنك د لارې شریكو ټولو لارښودو ته هركلے اووې۔په غونډه كښې پخوانې وزیراعظم محمد نواز شریف، پخوانې صدر آصف علی زرداري او سردار اختر مینګل د ویډیو لنك د لارې ګډون كولو۔ وزیراعظم ووئيل د روژي مباركي مياشت مصروفیاتو باوجود په غونډه كښې د لارښودو په ګډون كولو د ټولو مننه كوم۔ وزیراعظم هيله څرګنده كړه چې د پخواني صدر آصف علی زرداري صحت اوس په ښه كيدو دے۔ده د سردار اختر مینګل کوروداني روغتيا له هم دعا اوكړه۔ وزیراعظم ووئيل تيره اوونۍ هم د اتحادي ګوندونو د لارښودو يوه جامع ناسته شوي وه او وكيلانو سره مشاروت هم شوے ؤ، د کابیني دوه غونډې هم په دې مهال شوي۔دې سره سره د قامی اسمبلۍ او سېنېټ غونډي هم شوي چې پكښې مقررینو ښه خبرې كړي۔ده ووئيل سپریم کورټ كښې چې څه ډول په کیس کارروائی شوې هغه زمونږ د ټولو په وړاندې ده،څنګه د څلورو پريكړي نظر انداز کړې شوه او څه ډول ریکیوز شوي ججز بيا بنچ كښې كېښناستل او څنګه د جسټس فائز عیسیٰ په مشرۍ كښې د بنچ پريكړه د سرکلر د لارې ختمه کړې شوه او بيا يو 6 كسيز بنچ جوړ شو،دا ټولي خبرې د قانون وزیر په ښه ډول په اسمبلۍ كښې بيان كړي او د قامي اسمبلۍ په غونډه كښې غړو هم په دې خبرې كړي۔ وزیراعظم ووئيل يو قرارداد وړاندې څخه منظور شوے او هيله لرو چې سبا به يو بل قرارداد هم هاؤس كښې وړاندې كړے شي،په دې اړه د قانون وزير به هم په غونډه كښې خبري كوي۔ وزیراعظم ووئيل دا ډول لوبې وړاندې چرنه نه وې ليدلې شوې ،دا ډول منظر مونږ وړاندې نه ؤ ليدلے ، ده ووئېل په دې صورتحال هره ورځ د قانون پوهانو سره مشاورت كېږي ۔ وزیراعظم ووئيل درې كسيز بينچ وئېلې دي چې تر 17 اپریل دې پنجاب كښې د پولیس سکیورټی وركړې شي دغسې چې وفاق د پوځ او رینجرز كومه سکیورټی وركوي په دې اړه دې تر17 اپریل حتمی رپورټ د چیف الیکشن کمشنر د لارې وړاندې كړے شي۔ وزیراعظم ووئيل د خېبرپښتونخوا ټاكنو په اړه پريكړه كښې درې كسيز بينچ وئيلي دي چې په دې اړه به اړوندو ادارو ته رجوع كولې شي ۔ وزیراعظم ووئيل تيره ورځ د کابیني غونډه شوې چې پكښې په دې په تفصیل سره خبرې شوي، قامی اسمبلۍ كښې هم د قانون وزير ، خواجه سعد رفیق، شیری رحمن، مولانا اسعد محمود ښي خبرې كړي، نن په موجوده صورتحال سیاسی مشرانو سره مشاورت لپاره دا غونډه رابللې شوې دغسې چې د اجتماعي سوچ تر مخه په مشاورت يوه جامع پريكړه وكړې شي او ټول قام ته علم وي چې كومې د قانون او آئین سره ټوقې کېږي او د قام د قسمت پريكړه كېږي په دې اړه د حکومتي اتحادي ګوندونو رائے په جامع شكل وړاندې كړې شي۔
حکومت كښې د شاملو اتحادي ګوندونو په مشاورت به كوټلي پريكړي كوو۔ د وزیراعظم محمد شهباز شریف د حکومتي اتحادي ګوندونو مشرانو غونډي ته وينا
مضمون کا ماخذ : bolão lotomania
متعلقہ مضامین
