اسلام آباد۔27اکتوبر (اے پی پی):وزیراعظم عمران خان آکھیے جو جموں وکشمیر دے جھیڑے دی بین الاقوامی حیثیت اقوام متحدہ دی سلامتی کونسل دیاں قرارداداں اچ تسلیم شدہ اے جیں تے عمل درآمد تھیوݨ باقی اے، سارے رکن ملکاں دی سانجھی ذمے واری اے جو او بھارت کوں آپݨی بین الاقوامی ذمے واریاں پوریاں کرݨ دا پابند بݨاؤں ، پاکستان عالمی برادری تے زور ݙٰیندے جو بھارت کوں خطے اچ عدم استحکام کیتے ریاستی دہشت گردی دے استعمال توں روکیا ونڄے جݙاں جو مسئلہ کشمیر کوں اقوام متحدہ دی سلامتی کونسل دیاں قرارداداں اتے کشمیری عوام دی خواہشات دے مطابق پرامن طریقے نال حل کرݨ تے مجبور کیتا ونڄے ، پاکستان کشمیری عوام دے دے رلے کھڑے تے انہاں دے جائز حق خودارادیت دے حصول تئیں ہر ممکن حمایت جاری رکھیسوں ۔ یوم سیاہ کشمیر دے موقع تے اپݨے پیغام اچ وزیراعظم آکھیا جو اساں اے ݙینھ بھارت دے غیر قانونی قبضہ دی مذمّت اتے کشمیری عوام کیتے آپݨی غیر متزلزل حمایت دے طور تے منیندے پیوں ۔یوم سیاہ کشمیر انسانی تاریخ دے سیاہ باب دی عکاسی کریندے جݙاں 73 سال پہلے بھارتی فورسز خطے تے زبردستی قبضہ اتے کشمیری عوام کوں محکوم بݨاوݨ کیتے سری نگر اچ لتھی ہئی۔ وزیراعظم آکھیےجو جموں وکشمیر تے بھارت دے غیر قانونی قبضے نال اے بین الاقوامی جھیڑا بݨ ڳے جیں دا حل اقوام متحدہ دے چارٹر موجب سلامتی کونسل دی متعلقہ قرارداداں نال جڑیا ہویا اے۔
ہندوتوا دے شدت پسندانہ نظریات علاقائی امن و استحکام کوں خطرے اچ پاݙتے ،عالمی برادری بھارت کوں خطے اچ عدم استحکام کیتے ریاستی دہشت گردی دے استعمال کوں روکے ،وزیراعظم عمران خان
مضمون کا ماخذ : کمپیوٹر لاٹری کے نمبر
متعلقہ مضامین
