اسلام آباد 31 مارچ (اے پي پي) د اطلاعات او خپرونو وزير مملکت فرخ حبيب وئيلي دي غېر ملکي طاقتونو د پاكستان دننه سازش كړے٬ د پاکستان په كورنيو چارو كښې يو هېواد ته د لاس وهنې حق نه لري، دا حقائق دي چې د پاکستان دننه اقتدار بدلولو لپاره دړكې وركړې شوي ٬ د پاکستان په كورنيو چارو كښې يو هېواد ته د لاس وهنې حق نشته ٬ په درې نيمو كالو كښې د عدم اعتماد قيصه نه وه٬ چيټۍ كښې د عدم اعتماد کاميابي د پاکستان اړيكو سره تړلې شوې۔ د زيارت په ورځ ميډيا سره په خبرو كښې ده ووئيل دا چې مونږ وئيل چې دړكه راغلې نو راپسې خندا كېده او هم دا سبب دے چې كابينه هم باور كښې اخستلې شوې او نوموړو خبريالانو سره د خط مندرجات هم شيئر كړے شوي ۔ ده ووئيل په ايوان كښې د بدلون راتلو خبرې كېږي٬ د دې پارلمان قامي سلامتيا لپاره پارلماني كمېټي شته ٬ ھغې ته به هم بريفنګ وركولې شي دغسې چې چا سره كوم جواز پاتې نشي او په كورونو كوڅو كښې چې كله دا پوښتنه كېږي چې د مير جعفر او مير صادق د كردارونو څه شوي نو چې ھغوي دا ونه وائې چې مونږ ته معلومه نه وه او د بهرني سازش برخه وو۔ ده ووئيل د اپوزيشن مطالبه وه چې راغلې چيټۍ قامي اسمبلۍ ته وړاندې كړې شي او مونږ د قامي سلامتيا پارلماني فورم ته دا معامله اوړوو او اوس به څوك نه تخښتي او نه به ئې مونږ تخښتې ته پرېدو ځكه چې ټول قام دې ته ګوري۔ ده ووئيل ټول قام وزيراعظم عمران خان سره ولاړ دے او وزيراعظم سوګند اخستے چې په ملکي سالميت او خپلواكۍ به هېڅكله سمجهوته نه كوم ٬ ده ووئېل وزيراعظم به تر آخري بال مقابله كوي او اوس د پنځو اوورونو لوبه پاتې ده ٬ په دې كښې ډېرې پرېكړې كول دي۔ د يوې پوښتنې په ځواب وزير مملكت فرخ حبيب ووئيل ډېر خلق په پوهه او ناپوهۍ كښې د دې سازش برخه جوړېږي او چې كله دا څيز رامخې ته شوے نو خلق مونږ سره رابطه كوي چې پكښې اتحادي او منحرف غړي هم شامل دي۔ ده ووئيل دا د سوشل او فعاله ميډيا دور دے٬ دا آن رېكارډ سازش او حقائق دي، دا سازش ناكامه كولو لپاره 22 كروړه اولس ولاړ دے او دا به ناكامه كوٶ
غېر ملکي طاقتونو د پاكستان دننه سازش كړے٬ د پاکستان په كورنيو چارو كښې يو هېواد ته د لاس وهنې حق نشته۔ د فرخ حبيب ميډيا سره خبرې
مضمون کا ماخذ : لاٹری ٹکٹ کے نتائج
متعلقہ مضامین
