اسلام آباد۔14اکتوبر (اے پی پی) صدر مملکت ڈاکٹر عارف علوی پمز اچ خلافِ ضابطہ تقرری تے وفاقی محتسب دے فیصلے دے خلاف پمز ہسپتال دی درخواست مسترد کر ڈتی اے ۔ بدھ کوں ایوان صدر دے میڈیا ونگ توں جاری بیان موجب صدر ممکت پمز ہسپتال کوں تقرری دے عمل متعلق رپورٹ 45 ڈینھ وچ وفاقی محتسب کوں پیش کرنڑ دا حکم ڈتے ،انہاں خلافِ ضابطہ تقرری کرنڑ تے انکوائری کرنڑ تے رپورٹ جمع کراونڑ دا وی حکم ڈتے ۔ امیدوار عاصم حنیف ڈرافٹس مین دے عہدے کیتے درخواست ڈتی اتے تحریری امتحان اچ 63 نمبر گھن تے پہلی پوزیشن گھدی ہئی ۔ عاصم حنیف کوں انٹرویو اچ 6 نمبر ڈے تے فیل کرڈتا گیا ہئی۔ عاصم حنیف نا انصافی دے خلاف وفاقی محتسب اچ درخواست دائر کیتی ۔ سماعت دے دوران انکشاف تھیا جو عاصم حنیف کوں انٹرویو اچ گھٹ نمبر ڈے تے میرٹ لسٹ اچ تلے بھیج تے ضیان پجایا گیا ۔ تحریری امتحان اچ عاصم حنیف توں 15 فیصد گھٹ نمبر گھننڑ آلے امیدوار کوں انٹرویو اچ ودھ نمبر ڈتے گئے ۔ عاصم حنیف دی تعلیمی قابلیت وی ڈوجھے امیدوار توں ودھ ہئی ۔ عاصم حنیف دی تعلیمی قابلیت ڈپلومہ آف ایسوسی ایٹ انجینئر دے نال بی ٹیک آنرز ہئی ڈوجھے امیدوار دی تعلیمی قابلیت میٹرک دے نال ڈپلومہ آف ایسوسی ایٹ انجینئر ہئی۔ وفاقی محتسب انٹرویو دے عمل کوں کالعدم قرار ڈے ڈتا ہئی جیں پاروں پمز وفاقی محتسب دے ایں فیصلے دے خلاف صدر مملکت کوں درخواست دائر کیتی۔
صدر مملکت ڈاکٹر عارف علوی پمز اچ خلافِ ضابطہ تقرری تے وفاقی محتسب دے فیصلے دے خلاف پمز ہسپتال دی درخواست مسترد کر ڈتی اے
مضمون کا ماخذ : resultados loteria São Paulo
متعلقہ مضامین
