اسلام آباد۔12ستمبر(اے پی پی) پاکستان دی دہلی ہائی کورٹ دی طرفوں کشمیری عو??م دی وکالت کرݨ آلیاں سیاسی جماعتاں تے پابندی لاوݨ دے فیصلے کوں برقرار رکھݨ دے اڄوکے فیصلے دی شدید مذمت کیتی اے۔ دفتر خارجہ دی ترجمان ممتاز زہرہ بلوچ پریس بریفنگ اچ آکھیے بھارتی حکومت دی طرفوں مقامی سیاسی جماعتاں تے پابندی کشمیری عو??م کوں محکوم بݨاوݨ ، اختلاف رائے کوں دٻاوݨ تے بھارت دے غیر قانونی طور تے قبضے وچ جموں و کشمیر تے آپݨے قبضے کوں مستحکم کرݨ سانڳے بھارت دی بے لگام مہم دا حصہ اے۔ ترجمان آکھیے جموں و کشمیر دے لوکاں دے حقوق دی وکالت کرݨ آلیاں جماعتاں کوں غیر قانونی سرگرمیاں دے (روکݨ) ایکٹ (یو اے پی اے) دے تحت چُپ کیتا ویندا پئے ، اے قانون کشمیری عو??م تے جبر دے ھک ہتھیار دے طور تے تکھے استعمال تھیندا پئے۔ ترجمان آکھیے انھاں کاروائیاں کوں قانونی حیثیت ݙیوݨ اچ بھارتی عدلیہ دا کردار جموں و کشمیراچ جائز سیاسی آوازاں دباوݨ دی منظوری ݙیوݨ دے حوالے نال اڄوکے فیصلیں دے بعد سامݨٖ آئے ۔ گزریل سال بھارتی سپریم کورٹ بھارت دے غیر قانونی طور تے قبضے وچ جموں و کشمیر اچ 2019 دی غیر قانونی تے یکطرفہ ک??رر??ائیاں کوں برقرار رکھیا ہئی ۔ ترجمان بھارت تے زور ݙتے جو او ساریاں سیاسی جماعتاں توں پابندی چاوے جیڑھیاں مقبوضہ کشمیر اچ غیر قانونی طور تے کالعدم قرار ݙتیاں ڳئن ، کشمیری عو??م دے حقوق اتے آزادی دا احترام کرے، سارے سیاسی قیدیاں اتے انسانی حقوق دے کارکناں کوں چھوڑے تے جموں و کشمیر متعلق اقوام متحدہ دی سلامتی کونسل دیاں قرارداداں تے عمل درآمد کرے۔
