اسلام آباد۔07مئی(اے پی پی)دفتر خارجہ آکھیے جو بھارت کشمیریاں تے ظلم دے پہاڑ تروڑی ویندے کرونا دی اڈ اچ کشمریاں دا قتل عام کیتا ویندا پئے، بھارتی فوج شہیداں دی میت وی نئیں ڈیندی،بھارت مظالم دی تڈ تے کشمیریاں دی آواز نئیں دبا سگدا،جعلی مقابلیاں اچ کشمیریاں دا قتل عام کرنڑ تے عالمی برادری نوٹس گھنے۔ ترجمان دفتر خارجہ عائشہ فاروقی اسلام آباد اچ ہفتہ وار بریفنگ ڈیندے جگ دی توجہ مقبوضہ کشمیر دی صورتحال دو ڈیوائی اے جتھاں معصوم کشمیریاں کوں جعلی مقابلیاں اچ ماریا ویندا پئے،احتجا کرنڑ آلیاں تے گولیاں وسایاں ویندن،ہزاراں کشمیری جوان تریمتیں ،نینگر اتے بال بھارتی مظالم دے خلاف سڑکاں تے اپنڑے حقوق کیتے احتجاج کریندے پین۔ انہاںا ٓکھیے جو عالمی برادری جانڑدی اے کہ کشمیری بھارتی تسلط کوں مسترد کرچکین،ظالمانہ اقدامات نال مسلہ کشمیر اتے کشمیریاں دی جدوجہد کوں پچھو تے نئیں کیتا ونج سگدا۔عائشہ فاروقی آکھیے جو بھارتی حکومت آر ایس ایس دے ایجنڈے تے ہندوتوادی پالیسیاں تے چلدی پئی اے،مقبوضہ وادی اچ آزادانہ نقل و حملی،ذرائع مواصلات تے پابندی اے اتے نوے لکھ کشمیری ست لکھ بھارتی فوج دے محاصرے اچ ہین ،انٹرنیٹ تے پابندیاں پاروں مقابوضہ کشمیر اچ ریلیف اتے طبی سامان دی ترسیل متاثر اے،عالمی برادری باھرت دے ایں بیہمانہ رویے دا نوٹس گھنے۔
بھارت مظالم دی تڈ تے کشمیریاں دی آواز نئیں دبا سگدا،جعلی مقابلیاں اچ کشمیریاں دا قتل عام کرنڑ تے عالمی برادری نوٹس گھنے، ترجمان دفتر خارجہ عائشہ فاروقی دی ہفتہ وار بریفنگ
مضمون کا ماخذ : estratégias para loteria
متعلقہ مضامین
