اسلام آباد۔13نومبر (اے پی پی) وزارت منصوبہ بندی ترقی اتے خصوصی اقدامات اسد عمر دی صدارت اچ وزیراعظم کامیاب جوان پروگرام بارے جائزہ اجلاس تھیا۔اجلاس اچ وزیرِ اعظم دے معاونِ خصوصی برائے امورِ نوجوانان عثمان ڈار وفاقی وزیر کوں کامیاب جوان پروگرام دے تحت نینگراں دی ترقی بارے شروع کیتے ڳئے منصوبیاں تے تفصیلی بریفنگ ݙتی۔معاونِ خصوصی نیشنل یوتھ کونسل، سکلز فار آل ، یوتھ آنٹرپرنیور شپ (کاروبارتے قرضیاں دا پروگرام) اتے ٹائیگر فورس دی کارکردگی بارے بریفنگ ݙٹی۔معاون خصوصی ݙسیا جو پورے ملک دے نینگراں کوں کامیاب جوان پروگرام دے تحت کاروبار سانڳے سو ارب روپے دی رقم رکھی ڳئی اے جئیں دے تحت ملک دے پڑھے لکھے نینگراں کوں چھوٹے کاروبار سانگے قرضے ݙتے ویندے پئن۔وفاقی وزیر اسد عمر ایں موقع تے آکھیا جو اڄوکے دور دے چیلنجز کوں ݙیکھدیں ہوئیں نینگراں کوں ہنر مند بݨاوݨا اے۔
وزارت منصوبہ بندی ترقی اتےخصوصی اقدامات اسد عمر دی صدارت اچ وزیراعظم کامیاب جوان پروگرام بارے جائزہ اجلاس
مضمون کا ماخذ : لاٹری کا حساب
متعلقہ مضامین
