بيجنګ 07جون(اے پی پی)پاكستان او چين په شريك باور او شريك اصولو اډانه سټريټجك شراكتدارۍ باندې د اطمينان څرګندونه كولو سره په مهمو چارو د يو بل غېر متزلزل ملاتړ پخلے او د چين پاكستان اقتصادي راهدارۍ(سي پېك)اعلٰی معيار پرمختګ لپاره ئې د پرله پسې عزم څرګندونه وكړه او د ټرانسپورټ٬بنيادي ډهانچې٬صنعت٬توان٬كركيلې٬روغتيا پشمول بېلو څانګو كښې د مرستې ودې لپاره ئې د 23 مفاهمت په يادښتونو او لوظ نامو لاس ليك وكړو ۔د جمعې په ورځ د وزيراعظم ميډيا آفس لخوا جاري شوي بيان له مخې وزيراعظم محمد شهباز شريف عظيم عوامي هال كښې د چين وزيراعظم لي چيانګ سره د پلاوي په كچه ملاقات كړے ٬د وزيراعظم سره د هغه كابينې مهم غړي هم موجود وو۔عظيم عوامي هال ته په رسېدو د وزيراعظم په درناوي كښې د هركلي دستوره وشوه او هغه ته د پيپلز لبرېشن آرمي ډلې لخوا ګارډ آف آنر وړاندې كړے شو ۔د ملاقات په مهال٬دواړو لارښودو د دوه اړخيزه اړيكو په ټولو اړخونو د خيالاتو څرګندونه وكړه او د شريكې خوښې په سيمه ايز او نړيوال پېشرفت هم خبرې وشوې۔دواړو لارښودو په دې امر د اطمينان څرګندونه وكړه چې پاك چين سټريټجك كوآپريټو پارټنرشپ په شريك باور او په شريكو اصولو اډانه دے او د وخت سره لا قوي كېږي۔وزيراعظم لي وزيراعظم محمد شهباز شريف ته د ملګرو ملتونو سلامتي كونسل غېر مستقل غړي په ټاكلے كېدو مباركي وركړه۔دواړو لارښودو په مهمو چارو د يو بل غېر متزلزل ملاتړ پخلے وكړو او د چين پاكستان اقتصادي راهدارۍ(سي پېك)اعلٰی معيار پرمختګ لپاره ئې د پرله پسې عزم او ملاتړ څرګندونه وكړه۔دوي د شريكې ګټې او د پاكستان سماجي او اقتصادي پرمختګ لپاره د صنعت٬كركيلې جديد كارۍ٬سائنس او ټېكنالوجي او خاص اقتصادي زونز ته خاص پام لرنې كولو سره ټولې روانې پروژې په وخت بشپړولو په ضرورت هم زور راوړو۔دغسې د سي پیك اپ ګرېډ كولو او د لا مرستې زياتولو ته هم اتفاق وكړے شو ۔دواړو ډلو د ګوادر ښار سي پیك د يو مهم ستن په توګه په اهميت هم د خيالاتو څرګندونه وكړه او ګوادر سيمه ايز اقتصادي مركز باندې بدلولو لپاره د اړوندو بنيادي ډهانچې پروژو په وخت بشپړېدو ته صلاح شول ۔دوي د سي پېك مخالفينو په ضد د خپل پوخ عزم هم څرګندونه وكړه ۔دغسې وزيراعظم محمد شهباز شريف په پاكستان كښې د چين اوسېدونكو او د پروژو حفاظت باوري كولو لپاره د پاكستان غېر متزلزل عزم پخلے وكړو ۔دواړو ډلو د اعلٰی كچ تبادلې په ځاې ساتلو ته هم اتفاق وكړو چې پكښې د دوه اړخيزه مرستې ټولو څانګو كښې اداره جاتي روابط قوي كول شامل دي۔پاكستان او چين به د سيمه ايز او نړيوال اهميت په مسئلو او په ګڼ شمېر فورمز نزدې مشاورت روان ساتي په خاص توګه پاكستان د ملګرو ملتونو سلامتي كونسل غېر مستقل غړي په توګه دوه كاله مودې په مهال به دې مشاورت كښې لا اضافه كوي۔د پلاوي په كچه د خبرو اترو نه پس د مفاهمتي يادښتونو د لاس ليك دستوره وشوه چې پكښې وزيراعظم محمد شهباز شريف او وزيراعظم لي كيانګ ګډون كولو۔په دستوره كښې د دواړو هېوادونو ترمينځه د ټيلي ويژن٬فلم٬ټرانسپورټ انفراسټركچر٬صنعت٬توان٬كركيلې٬روغتيا٬سماجي٬اقتصادي پرمختګ او شريكې خوښې په نورو څانګو كښې مرستې لا قوي كولو لپاره 23 مفاهمتي يادښتونو او لوظ نامو باندې لاس ليك وشو ۔ د ملاقات نه پس وزيراعظم لي چيانګ د وزيراعظم په درناوي كښې د غرمې مېلمستياﺀ هم وركړه ۔
د پاكستان او چين په سټريټجك شراكتدارۍ د اطمينان څرګندونه٬ د مفاهمت په 23 يادښتونو او لوظ نامو لاس ليك
مضمون کا ماخذ : فنکی پھل
متعلقہ مضامین
.jpg)
