اسلام آباد۔15دسمبر (اے پی پی):وفاقی وزیر تعلیم، پیشہ وارانہ تربیت، قومی ورثہ و ثقافت شفقت محمود نال افغانستان دے اعلی تعل??م دے وزیر الحاج عبدالباقی حقانی دی سربراہی اچ 5 رکنی وفد ملاقات کیتی۔ وفاقی وزیر شفقت محمود وفد دا خیر مقدم کریندے ہوئیں آکھیے جو افغان عوام ساݙے دل دے نیڑے ہن ، وزیر اعظم عمران خان ول ول تاکید کیتی اے جو ہر ممکن طریقے نال افغانستان دی ترقی اتے افغان عوام دی فلاح کیتے موجودہ عبوری حکومت دی معاونت کیتی ونڄے ۔وفاقی وزیر شفقت محمود آکھیے جو افغ??ن طلبہ و طالبات کیتے اعلی تعلیمی سکالر شپس دی تعداد ودھا تے 4500 کرݙتی ڳئی اے جیڑھے جو اڳلے ترائے سالاں اچ ݙتی ویسی ، افغان نرسنگ دے شعبہ دی تعمیر و ترقی کیتے 100 سکالر شپس توں ابتدا کریندے پیوں ؛ آندے سالاں اچ انہاں اچ ودھارا کیتا ویسی جݙاں جو افغ??ن طلبہ و طالبات کوں ہنر دی تعلیم توں آراستہ کرݨ کیتے نیوٹیک دے ذریعے ہر ممکن تعاون کریسوں ۔ مزید افغانستان دی فیکلٹی ڈیویلپمنٹ، ٹیچرز ٹریننگ کیتے وی پاکستانی ادارے اپݨے برادر ملک دی بھرپور مدد کریسن۔افغانی وزیر تعلیم الحاج عبدالباقی حقانی وفاقی وزیر تعلیم شفقت محمود دا شکریہ ادا کریندے ہوئیں آکھیے جو پ??کستان تے افغانستان ہمسائے ملک ہن ۔انہاں آکھیے جو بھارت گزریل سالاں اچ افغ??ن طلبہ کوں وظائف ݙتے جنہاں دا بنیادی مقصد افغانستان دی نویں نسل اچ پاکستان مخالف جذبات کوں ودھارا ݙیوݨا ہئی مگر موجودہ حکومت دا عزم صمیم اے جو آپݨے ودھ توں ودھ ٻال تے ٻالڑیاں کوں پاکستان توں تعلیم ݙیوا تے سانجھے خیرسگالی جذبات کوں ودھارا ݙتا ونڄے ۔
وفاقی وزیر شفقت محمود نال افغان وزیر اعلی تعلیم الحاج عبدالباقی حقانی دی سربراہی اچ 5 رکنی وفد دی ملاقات
مضمون کا ماخذ : اسٹریٹیجیا لاٹوفاسیل
متعلقہ مضامین
