اسلام آباد۔23 مارچ (اے پی پی) صدر مملکت آصف علی زرداری وئيلي دي پاكستان يو ذمه وار جوهري رياست او امن خوښے هيواد دے٬ بياهم د خپلې خپلواكۍ به كله هم سودا ونكړؤ او نه به پاكستان غېر مستحكم كوؤنكې كومه ترهګر ډله وزغملې شي٬ د پاكستان ورځې په موقعه د دې لوظ پخلې كوؤ چې د پاکستان تعمیر ٬ پرمختګ او سلامتيا به له خپله ځانه هم زياته عزيزه ساتؤ٬ د ستونزو باوجود پاكستان د دفاع ٬ صنعت ٬ كركيلې ٬ زده كړو ٬ روغتيا او د ټېكنالوجي په شمول بېلو څنګو كښې د پرمختګ پراؤنه ترسره كړي٬ دا زمونږ د ټولو ذمه واري ده چې هېواد پېښو مسئلو څخه ويستلو او معاشي استحكام لپاره يكسويۍ سره كار وكړؤ٬ د پاكستان مېړني وسله وال ځواكونه د هېواد دفاع لپاره هر وخت چمتو پاتې كيږي٬ ملګري ملتونه دې په مقبوضه جموں وكشمير كښې د بشري حقونو د خلاف ورزيو نوټس واخلي٬ په غزه كښې په روان تشدد او د فلسطيني اولس په نسل كشۍ راته زياته اندېښنه ده۔ ده د خالي په ورځ په شکر پړیاں پریډ ګراؤنډ اسلام آباد كښې د وسله والو ځواكونو يوم پاكستان پرېډ ته خطاب كولو۔ د پرېډ اعزازي مېلما د سعودي عربستان دفاع وزير شهزاد خالد بن سلان بن عبد العزيز السعود وو كوم چې دې څخه وړاندې په سعودي رائل ایئر فورس كښې د اېف 15 پائلټ په توګه خذمات ترسره كړي دي۔ په دې موقعه وزيراعظم شهباز شریف، د درې واړو سروسز چيف ، بهرني سفيران ، د وفاقی کابینې غړي او سول او ملټري چاروكو موجود وو۔ د پاك پوځ او پېراملټري فورسز يوې چمتو ډلې مېلمنو ته سلامي وړاندې كړه۔ صدر مملکت آصف علی زرداری پریډ ته خپل خطاب كښې ووئيل پاكستان ټولو ګاونډي هېوادونو سره غوره اړيكو كښې خوښي لري۔ پاكستان يو ذمه وار جوهري رياست او امن خوښے هيواد دے٬ بياهم د خپلې خپلواكۍ به كله هم سودا ونكړؤ او نه به پاكستان غېر مستحكم كوؤنكې كومه ترهګر ډله يا ترهګري وزغملې شي۔ ده ووئيل د پاكستان وسله وال ځواكونه او قوم د كوم هم جارحيت مقابلې كولو له هر وخت تيار دے۔ ده قوم ته د پاكستان ورځې مباركي وركولو سره ووئيل د برصغیر مسلمانانو د قائداعظم محمد علی جناح په مشرۍ كښې مسلمانانو لپاره د يو جلا هېواد جوړولو كاميابې هڅې وكړې۔ ده د قومي سلامتيا او خپلواكۍ تحفظ لپاره په هڅو او ستړو كولو شهيدانو او غازيانو ته د عقيدت پېرزوينې وړاندې كړې۔ ده ووئيل په دې ورځ مونږ لوظ كوؤ چې د پاكستان تعمير ٬ پرمختګ او سلامتيا به له خپله ځانه زياته عزيزه ساتؤ۔ صدر مملكت ووئيل د ستونزو باوجود پاكستان د دفاع ٬ صنعت ٬ كركيلې ٬ زده ٬ روغتيا او د ټېكنالوجو په شمول بېلو څنګو كښې د پرمختګ پراؤنه ترسره كړي۔ ده ووئيل په پاكستان كښې د ټاكنو عمل بشیپړ كېدو څخه وروستو يو جمهوري اتحادي حكومت جوړ شوے دے٬ دا زمونږ د ټولو ذمه واري ده چې هېوا پیښو مسئلو څخه ويستلو له يكسويۍ سره كار وكړؤ۔ ده ووئيل قام بايد مايوسه نه شي ٬ مونږ په معاشي توګه د پاكستان په خپلو پښو د اودرولو عزم لرؤ۔ د معاشي مسئلو حل او سرمايه كارۍ ته وده وركولو له خصوصي سرمايه كاري سهولت كونسل جوړ كړے شوے دے۔ ده ووئيل د موجوده حالاتو تقاضا دا ده چې ټول سياسي قوتونه تفاهم سره قوم ته پېښې مسئلې حل كړي۔ ده ټولو سياسي ګوندونو ته اپيل وكړو چې هغوي دې خپل سياسي مفادات يو خواته كولو سره د هېواد پرمختګ او سوكالۍ له كار وكړي۔ ده ووئيل په منطقه كښې د استحكام د نشتوالي تر ټولو لويے سبب د هند په پراختيا كښې خوښي لرونكې عزائم او په جموں وكشمير د هند غېر قانوني قبضه ده۔ ده ووئيل مونږ د هند د ټولو غېر قانوني اقداماتو غننه كوؤ٬ ملګري ملتونه دې په مقبوضه سيمه كښې د بشري حقونو د خلاف ورزيو نوټس واخلي۔ صدر مملكت ووئيل كشميري اولس ته باور وركوؤ چې پاكستان د خپلواكۍ حق ترلاسه كولو په جائزو ستړو كښې به دوئي سره يو برابر ولاړ وي۔ صدر زرداري په غزه كښې په روان تشدد او د فلسطيني اولس په نسل كشۍ اندېښنه ښكاره كولو سره نړيوالې ورورولۍ ته اپيل وكړو چې هغوي دې په غزه كښې د مېرمنو او كوچنيانو د عامې وژنې لړۍ بندلولو له ګامونه پورته كړي ٬ په جنګ بندۍ دې زور راوړي دغسې چې د بشري راهدارۍ بحال كول عملي كړې شي۔ ده فلسطيني اولس لپاره د هغوي د خوښې له مخې د فلسطين مسئلې تر حل كېدو د باكستان لخوا د مضبوط ملاتړ پخلے وكړو۔ صدر ممللكت په دې سخت وخت كښې د پاكستان مرستې په كولو د ملګرو هېوادونو چین، سعودی عرب ، ترکی او متحدہ عرب امارات مننه وكړه۔ دې څخه وړلاندې د پاكستان ورځې په موقعه د ورځې پېل په وفاقي حكومت كښې د 31 او صوبائي پلازمينو كښی د 21 ٬ 21 توپو سلامۍ سره وشو۔ پرېډ قومي سرود غږولو او د قرآن كريم تلاوت سره پېل شو۔ دې څخه وروستو ملي بېرغ ته خصوصي سلامي وړاندې كړې شوه۔ صدر مملکت د پرېډ معائنه هم وكړه۔
پاكستان يو ذمه وار جوهري رياست او امن خوښے هيواد دے٬ پاکستان غير مستحكم كوؤنكې كومه ترهګر ډله به زغملې نه شي٬ د صدر مملكت آصف علي زرداري د پاكستان ورځې پريډ ته خطاب
مضمون کا ماخذ : شمال کے ڈریگن
متعلقہ مضامین
