اسلام آباد۔30اپریل(اے پی پی)صدر مملکت ڈاکٹرعارف علوی کرونا دی صورتحال تے چنتا کریندے عوام کوں اپیل کیتی اے جو او کرونا کوں ٻیا کھنفݨ توں روکݨ کیتے ودھ احتیاط ورتن۔ اپݨے ویݙیو سنیہے اچ صدر مملکت آکھیا جو خطے اچ کرونا نال پریشانی ودھدی پئی اے، پاکستان اچ تقریباً 5 ہزار کورونا کیسز تھین اتے اموات وی ودھدیاں پین، جیکر کرونا ٻیا کھنڈیا تاں ہسپتالاں اچ ڳنڄائش مک ویسی۔ انہاں آکھیا جو حضور ﷺ مسلماناں کوں نظم و ضبط سکھائے، لازم اے جو اساں حضور ﷺ دی امت ہوندیں نبی ﷺ دی ہدایات تے عمل کروں، قوم ایں آزمائش اچ احتیاط کرے، رمضان ، تراویح، یومِ علی، عید دے مواقع تے ایس او پیز یقینی بݨائے ونڄن، عبادات کیتے علما دی ہدایت تے عمل کرو، لوڑھ ہووے تاں گھرو ٻاھرو نکلو تاں جو کرونا توں بچ سڳوں۔
مضمون کا ماخذ : کمپیوٹر لاٹری آن لائن
