اسلام آباد۔23اپریل (اے پی پی) وزیراعظم عمران خان قوم توں اپیل کیتی جو کورونا وائرس توں بچݨ دی احتیاطی تدابیر تے سختی نال عمل کیتا ونڄے، ماسک ضرور پاتا ونڄے نتاں سخت لاک ڈائون کرݨا پمسی، پاک فوج سڑکاں تے نکل کراہیں ایس او پیز تے عملدرآمد کراوݨ سانڳے پولیس اتے قانون نافذ کرݨ آلے اداریاں دی مدد کریسی، حکومت ہݨ سختی کریسی۔ او جمعے کوں کورونا وائرس بارے قومی رابطہ کمیٹی دے اجلاس دے بعد ڳالھ مہاڑ کریندے پئے ہن۔ وفاقی وزیر اسد عمر، وفاقی وزیر اطلاعات تے نشریات، معاون خصوصی برائے قومی صحت اتے قومی رابطہ کمیٹی دے شرکا وی ایں موقع تے موجود ہن۔ وزیراعظم آکھیا جو کورونا وائرس دے کیسز ودھدے پئن، میں قوم توں اپیل کرینداں جو کورونا وائرس توں بچݨ دی احتیاطی تدابیر تے سختی نال عمل کیتا ونڄے، ماسک ضرور پاتا ونڄے نتاں سخت لاک ڈائون کرݨا پمسی۔
مضمون کا ماخذ : علاقائی کلیدی الفاظ
