اسلام آباد۔6اپریل (اے پی پی):وزیر خارجہ مخدوم شاہ محمود قریشی آکھیے جو روس خطے دا اہم ملک اے روس نال اساݙے ݙوپاسے تعلقات ہک نواں رخ اختیار کریندے پئن۔منگل کوں روس دے وزیر خارجہ سرگئی لاروف دے دورہ ء پاکستان دے حوالے نال اہم ویڈیو بیان اچ وزیر خارجہ آکھیے جو روس دے وزیر خارجہ سرگئی لاروف اڄ پاکستان آندے پئن۔اے کہیں روسی وزیر خارجہ دا 9 سال دے بعدپاکستان دا دورہ اے۔ایں ڳال توں کوئی اختلاف نی کرسڳدا جو روس ایں خطے دا اہم ملک اے اے دورہ ایں ڳالھ دی عکاسی کریندے جو روس دے نال اساݙے ݙو پاسے تعلقات ہک نواں رخ اختیار کریندے پئن ، انہاں آکھیے جو اساݙے ݙوپاسے تعلقات اچ بہتری آندی پئی اے ، اساں ہک ݙوجھے دے نال تعاون دا ارادہ رکھدوں ۔اساں ݙیکھدے پیوں جو اساݙے معاشی اتے دفاعی تعلقات کیویں اڳوں تے ودھدے پئن ۔
مضمون کا ماخذ : prêmios lotofácil
