اسلام آباد۔18نومبر(اے پی پی)وزیر خارجہ مخدوم شاہ محمود قریشی آکھیے جو پاکستان، افغانستان سودھا خطے اچ امن کیتے کوششاں جاری رکھیسی۔ اے ڳالھ انہاں وزارت خارجہ اچ مشاورتی کونسل برائے امور خارجہ دے اجلاس دی اڳواݨی کریندے آکھی۔ اجلاس اچ خطے اچ امن و امان دی صورتحال، اسلاموفوبیا دے ودھدے رجحان اتے خارجہ پالیسی دے اہم علاقائی و عالمی امور تے الوایا ڳئے۔ وزیر خارجہ مختلف سفارتی کوششاں اتے اہم اقدامات بارے اجلاس کوں بریفنگ ڈتی اتے بھارت ولوں پاکستان اچ دہشت گردانہ کارروائیاں دی پشت پناہی اتے ریاست مخالفت گروہاں دے ڳانڈھے نال ٹھوس شواہد پیش کیتے۔ وزیر خارجہ آکھیا جو امن کیتے پاکستان اتے افغانستان رل تے کم کریندے پین، افغان حکام دا پاکستان دے دورے اتے وزیراعظم دا اجوکا دورہ کابل ݙوطرفہ تعلقات، خطے اچ امن کیتے اہم ثابت تھیسی۔ انہاں آکھیے جو پچھلے ݙو مہینے اچ وزارتِ خارجہ پبلک ڈپلومیسی دے اہم اقدامات کیتن، ’’یوم سیاہ کش‘‘ سانگے مختلف تعلیمی اداریاں دے طلباء و طالبات وچال کشمیری ٻالاں تے مظالم بارے فن و تقریری مقابلے وی کرائن۔
وزیر خارجہ مخدوم شاہ محمود قریشی دی زیر صدارت مشاورتی کونسل برائے امور خارجہ دا اجلاس
مضمون کا ماخذ : آن لائن لاٹری
متعلقہ مضامین
