اسلام آباد ۔ 30 دسمبر (اے پی پی) وفاقی وزیر تعلیم و پیشہ وارانہ تربیت شفقت محمود آکھیے جو تعلیم قومی معاملہ اے ، ساریں کوں رلے گھن تے ٹرسوں ، مدرسہ سازی دا مقصد سارے طالب علماں کوں ہکو سواں نظام تعلیم ڈیونڑ اے۔تعلیم دے معیار کوں بہتر بنڑاونڑ کیتے ورلڈ بینک دے نال رل تے ہک جامع پروگرام گھن آندے پیوں جیں اچ سارے صوبیں کوں رلے گھن تے ٹرسوں ۔ سنوار کوں میڈیا نال گال مہاڑ کریندے ہوئیں انہاں آکھیا جو پاکستان دی تاریخ اچ پہلی واری ہکو سواں نظام تعلیم تھیونڑ ویندا پئے جیں توں پورے ملک دے سکولاں دے نال مدرسے دے طالب علم وی فائدہ چیسن ۔انہاں آکھیے جو ماضی اچ سارے بورڈز انجھ انجھ نتیجے دا اعلان کریندے ہن جیں نال طالب علماں کوں یونیورسٹیاںاچ داخلہ گھندے ہوئیں اوکھ تھیندی ہئی ۔ موجودہ حکومت سارے بورڈز کوں 15 اگست تئیں نتیجے دا اعلان کرنڑ تے رضامند کر گھدے تے سبھے یونیورسٹیاں اچ 15 ستمبر تئیں طالب علماں کیتے داخلے کھلیے رہسن ، ایندے نال طالبیں دی مشکلات گھٹ تھی ویسن ، انہاں آکھیے جو صوبائی وزراءتعلیم نال ملاقات اچ صوبیں دی مشکلات بارے تفصیلی گال مہاڑ تھئی اے جیں اچ تعلیم دے معیار اچ بہتری دے حوالے نال ساریں اچ اتفاق رائے پات گے ۔
تعلیم قومی معاملہ اے ، ساریں کوں رلے گھن تے ٹرسوں ، مدرسہ سازی دا مقصد سارے طالب علماں کوں ہکو سواں نظام تعلیم ڈیونڑ اے ، وفاقی وزیر تعلیم شفقت محمود
مضمون کا ماخذ : jogos de loteria Nordeste
متعلقہ مضامین
