اسلام آباد ۔ یکم اگست (اے پی پی)وفاقی وزیر انسانی حقوق ڈاکٹر شیریں مزاری وزارت موسمیاتی تبدیلی ولوں پلاسٹک بیگز تے پابندی اتے ماحول دوست تھیلے ونڈنڑ دے کم دی تعریف کریندے آکھیے جو ایندے نال نہ صرف ماحولیاتی آلودگی تے قابو پاتا ونج سگدے بھل اگو تے آونڑ آلی نسل کوں سرسبز پاکستان ڈتا ونج سگدے،کلین اینڈ گرین پاکستان حکومت دا انقلابی منصوبہ اے۔اے گالھ انہاں وزیر مملکت برائے موسمیاتی تبدیلی زرتاج گل نال اپنڑی وزارت دے ملازمین کوں ماحول دوست تھیلے ونڈنڑ اتے پلاسٹک بیگز دے استعمال کوں مکاونڑ کیتے آگاہی مہم دی تقریب نال خطاب اچ آکھی۔ انہاں آکھیے جو ایندے نال ماحولیاتی آلودگی ،گندگی اتے بئے مسلیاں توں بچیا ونج سگدے۔
مضمون کا ماخذ : جیک اور بین اسٹالک
